جديد...قصيده للشاعر بندر بن تركي.

[السكب]

قصيده بعنوان :(المرجله) للشاعر بندر تركي هليل الشيباني

النهر لولا الرافد اللي يغذيه=لابد له ياسعود مايضمحلي
والرجل وإن جازت لربعه شواريه=يبقى كما الحيد الطويل المطلي
يسعد عيون اللي يحبه ويغليه=والخصم كنه فالوقايد يملي
اهجوس قلبي يالبناخي وطاريه=ترهج عليه لين تبحث خفى(ن)لي
تقول عط هذا وهذا تخليه!=تأمر وتنهى!ويش ابعطي واخلي؟
والبيت الأول واضحات(ن) معانيه=دور بديل(ن) في محله يحلي
دور بديل(ن)ماتعثر مجاريه=يجوز لك وأنابعد جايز(ن)لي
كلام من قلب(ن) همومه تقزيه=من واهج التفكير عيا يملي
عيا يمل ويعلم الله مشاكيه=الله يثيب اللي لوضعه يحلي
الجادل اللي جايز(ن)لي تخطيه=اللي كلامه يالبناخي يسلي
ولعه لشغموم(ن) عزومه تهقويه=وهو معود بالدلع والتغلي
ويوجد ثلاث دروب يمه توديه=ونبغى الطريق المستقيم المحلي
نضمن به الجادل ونأمن بلاويه=واللي تمنيته عساه يحصلي
(الجادل)يقصد بها الشاعر هنا الدنيا.


اتمنى ان تحوز القصيده على رضا الجميع (وأعدكم بالمزيد ان شاء الله)

[ذيب العبدلي]

اخي عبدالله

هلابك وين القصيده لم اجد غير كلمه واحده فقط ومعناها

امل منك اخي ان تاتي بالقصيده كامله ولك احترامي

[السكب]

اخوي النادر انا كتبت كامل القصيده ولكن لم هر لااعرف السبب لعلها تظهر بعد قليل ارجو من الاخوان في الاداره يفهموني سبب عدم ظهورها ولهم الشكر الجزيل

[منصور الشيباني]

صح السانك والسان الشاعر بندر بن تركي


اخوي عبدالله القصيده لازم تحط بين الشطرين علامة =

عشان تطلع معي

وهذا شرح كيف تضع قصيده
http://www.sheiabeen.com/vb/showthread.php?t=815


ودمت بخير

[رعد الشيباني]

صح السان الشاعر بندر بن تركي
والله لا يهينك يا عبدالله
اخوووووووووووك رعد الشيباني

[السكب]

اريدان ابلغكم ان القصيده قد اكتملت لمن اراد ان يطلع عليها اخوكم عبدالله

[السكب]

اود ان اوضح للاخوه الزواروالاعضاء ان اي جديد للشاعر بندر احصل عليه من ارشيف الرياض او الجزيره

سوف اعرضه هنا

اخوكم عبدالله

[ذيب العبدلي]

الله الله

صح لسان الشاعر بندر بن تركي قصيده جزله وشاعرها اجزل وتحمل معاني جزله

وانت اخي عبدالله مشكور على طرح هذه القصيده ونحنو في انتظار مشاركاتك المقبله

مشكور اخوي ماقصرت

[ابو فيصل الشيباني]

مشكور على القصيده
يعطيك العافيه
ننتـظر جديــدك

[سعد الشيبانـي]

اخوي عبدالله

صح السانك والسان الشاعر بندر بن تركي

يعطيك العافيه على القصيده الجزله

ولاهنت يالغالي

وتقبل أحترامي

[طلق الازلع]

اخوي

عبد الله

صح لسانك وصح لسان الشاعر / بندر بن تركي

مشكوووور يالغالي على النقل الرائع

والله يعطيك الف عافيه

بنتظار جديدك وابداعاتك


تحيـــ؛؛؛ـــاتي؛؛؛

[السكب]

السلام عليكم هذه(3) قصائد جديده للشاعربندربن تركي بن هليل الشيباني .
اولى هذه القصائد/ قصيده قالها الشاعرفي احداصدقاءه المقربين من قبيلة مطير(معجب المطيري)عندما انقطع عنه فتره من الزمن
يقول فيها:
ياعلي شوف الباب ماجا مسايير=ابطو علينا ياعلي وش بلاهم
ياعلي اخاف انك حصل منك تقصير=تقصير سبب عنك قصرة خطاهم
ياعلي لاجوك الوجيه المسافير=اكثر هلا ياعلي واتبع رضاهم
كثرهلا ياعلي للي بهم خير=واقض لهم الحاجه وسر في هواهم
ثم قال علي الهرج جا فيه تكثير=وانا على نهجك وشفق(ن) علاهم
لكن اصاحيبك نحو عنك لمطير=وانته مدوخني توجد تباهم
ادعي لهم ياجعلها لهم مسافير=ياابوي وانت شوف ناس(ن) كماهم
ثم قلت انا ياعلي عندي تدابير=ابتخذها ياعلي في حراهم
ان كان ابوغازي نصا ربعه مطير=ربعه ذراه اللي يذري ذراهم
ربعه مطير اللي تهد الطوابير=ماظنتي ياعلي يسلا بلاهم
لكن نرجو في الليالي المناحير=يجونا والا نسير علاهم



ثاني هذه القصائد/قصيده قالها الشاعرفي صديقه ورفيق دربه (علي بن ملحاق بن قويسي المرشدي الشيباني)
ومناسبتها ان علي وهو يسكن في الامارات كان كل ماقدم للسعوديه ينصا شاعرنا ابتداء"وفي العام1408هـ
وفي آخر زياره شاء القدر ان تكون وفاته بين يدي شاعرنا
فانشد هذه الابيات:

ياعلي وين اللي الى جا تنصاك=هوايته ماجا لقضيا لزومي
مامرتن ياعلي مر وتعداك=يعلم غلاه ومايكن معلومي
راحت به الدنيا وقفا وخلاك=ارتاح وانت اللي تقاس الهمومي
اللي على اسمه ياعلي جا مسماك=ياعلي قفا صدق والاحلومي
انا بكيته كان ياعلي ماابكاك=والله لتبكي لوتعرف العلومي
اعز صاحب ياعلي من دناياك=شهم وكريم وللقرايب رحومي
ياعلي من بعده بيحمل خطاياك؟=ويشد عضدك يوم تزري تقومي؟
ياعلي من جا بعدموته وعزاك=وقال الك دنيا نافده ماتدومي
قله صحيح ولاحصل عندي اشراك=لكن ابا ابكي لين اغرق هدومي
ياعاذلي لاتعذل القلب يعصاك=خله يبرد بالدموع السمومي
مالك ومالي طالبك واترجاك=خل الدموع تسيل والقلب يومي



اما ثالث هذه القصائد/خواطر للشاعروقد ذكرت مطلعها في موضوع سابق،، يقول فيها:

القلب تاجر والبضاعه تفاكير=دايم يفكر في الحياه ونكدها
الكل ياخذ في حياته مشاوير=احد زهق منها والآخر حمدها
و احد يقول ويمتني لو يجي طير=هذا هوا نفسه وغاية سعدها
و احد يحب الطلع يوم المخاضير=يوم الحرار يحين موعد هددها
و احد يحب الشر و احد يبا الخير=اشكال وانواع كثير عددها
و احد عزوم ويحتمل للمخاسير=و احد حقوق الله لغيره جحدها
ولا كلن ادرك ماتمنى المناعير=هذا يبي ينقض والآخر عقدها



اتمنى ان تحوز القصائد على رضاكم واي اضافه ان شاء الله ستكون تابعه لهذا الموضوع،،،،،،،
مع تحيات اخوكم عبد الله،،،

[ابوبندر]

iنشكر الأخ عبدالله وصح لسان الشاعر بندر بن تركي بن هليل وحيث أني مطلع على بعض قصايد المذكور وساوافيكم بها تباعاً في مقدمة قصايدة قصيدة بعنوان ومطلعها .

حنا نحشم الضيف حشمة بمقدار=ونجعله الواجب وهو بختيارة

[السكب]

مشكور اخوووووي ابو بندرعلى المرور الكريم واتمنى ان تساعدني في تقديم ماهو قيم ومتميز من قصائد الشاعر بندر ولك جزيل الشكر مع خالص تحياتي،،،،،،،،،،،،،،،،،،،،،،،:clap: :clap: :clap: :clap:

[ابوبراك]

اخوي عبدالله

صح السانك والسان الشاعر بندر بن تركي

يعطيك العافيه على القصيده الجزله

ولاهنت يالغالي

وتقبل أحترامي

[السكب]

اشكرك اخوي ابو براك على المرور
ويعطيك العافيه

[الذيب سرحان]

اشكرك جزيل الشكر اخوي عبدالله على هذه الفرائد الشعريه الرائعه والنادره لهذا الشاعر الجزل

واتمنى ان نرى المزيد من روائع الشاعربندر بن تركي فهي فعلا تستحق الاشاده والاطراء

وعسى عمرك طويل انت وشاعرنا الفذ

اخوك المخلص الذيب سرحان،،:icon30: :icon30: :icon30: :icon30:

[ابوبندر]

وهذه أحد قصايد الشاعر التي وعدت بها
مناسبة هذه القصيدة
أن الشاعر بندر عزم أبو جمال وهو( حمد الفليو الشراري) من كبار قبيلة الشرارات فرفض إلا أن تكون مجرد قهوة وحليب خلفات فبعدما حضر أبو جمال إلى محل الشاعر استأذنه الشاعر بهذه القصيدة في ذبح الذبيحة لأنه سبق أن حلف عنها وفعلا أذن له


حنا نحشم الضيف حشمة بمقدار = ونجعله الواجب وهو بختيارة
مانستطيع نجيب مع شبة النار = والبن مايحلى بليا بهاره
وليا اختلط هيلن وبن ومسمار = جوف الدلال اللي بجال المنارة
لا بد مانروح بعد ريحه إقتار = يازين مابين النشما إقتاره
وحليب خلفات مقدر بمقدار = جاين كرم للجار من عند جاره
واليا اكتمل والهرج مابينا دار = سوالف مابين جد وعياره
بوجود منهو للجزيلات يختار = متمكن بين الرجال بجداره
أبو جمال اللي يريعله الشار = كم واحد يمشي على ضوء شاره
مقدم شرارات لهم في العرب كار = ودايم يقدم في القبايل خياره
وأنا معرفه بس شايع بالأذكار = والرجل تنبي عن فعوله خباره
مرت به الدنيا على الربع مرَار = اللي سبق عاشوا معه في دياره
وأبى أطلبه وأطلب من الربع الأخيار= انه يرخص لي ويلغي قراره
وهذاه مطلوبي وكل الذي صار = وأنا مجهز وأنتظر للإشارة

[ابوبندر]

وهذه قصيده أخرى لشاعر بندر بن تركي بن هليل أرسلها الى أبن عمه مسلط بن مسيلط بن هليل رحمه الله في جيزان


خط لفاني زاد قلبي جناني =ونا مكاني جايني من عطانيه
بعد قريته في محله طويته= وقول ليته ياعرب جاب راعيه

وارسلتلي مرسول في ضرف مشيول= أقول ليته ياصله لين يلفيه
خط نصا جيزان ينشد وعجلان= ينصا من العربان من ينوثق فيه
خط شريفي من ضمير حسيفي= دايم يهيفي كل رجمن يعديه
قلبي من الافراق معاد يطاق= يومي كما المسباق والهم طاويه
بعد ربوعي كيف أذوق الهجوعي= قلبي يزوعي مير الاضلاع ترخيه
أهل المباني كاملين المعاني= من زارهم عاني يحصل مناويه
يضيق بالي فوق صبح الدلالي= النقص في حالي ولو جيت أبكنيه
وأرجي ردوده في ليال معدوده= قلبي يزوده يوم يسمع بطاريهوقد رد الشاعر مسلط رحمه الله عليها بقصيده سأحاول الحصول عليها

[منصور الشيباني]

بارك الله فيك اخوي عبدالله

اقف لشخصك الكريم لابداعك يالغالي كفيت ووفيت يالغالي

اخوي ابو بندر اولا اهلا بك معنا وحياك الله :)

وصراحه ابدعت منذو المشاركه الاولى

سلمت يمناك يالغالي

الى الامام

واتمنى اشوف ابداعك المتواصل

دمت بخير

[سعد الشيبانـي]

اخوي ابوبندر

صح السانك وصح لسان الشاعر بندر بن تركي الشيباني

وبيض الله وجهك يالغالي على الطرح القصائد الجزله

والله يعطيك الف عافيه ولاهنت على المجهود والبداع الرائع والجميل منك

عزالله انك ماقصرت انت واخوي الغالي عبدالله

يعطيكم العافيه على المجهودات الرائعه

وتقبل خالص أحترامي وتقديري

[الذيب سرحان]

ماقصرت اخوي ابو بندر على العرض الرائع قصائد تستحق التثبيت يرفع لادارة المنتدى



اخوك الذيب سرحان،،،،،،،،،،،،،،،،،،

[السكب]

اشكر اخواني منصور الشيباني ،،سعد الشيباني،،على اشادتهم ومسؤليتنا رفع مستوى المنتدى والارتقاء بالذائقه الشعريه

مع خالص تحياتي لكما اخوكم عبدالله،،،،

[العبدلي]

صح لسانك والشاعر بندر بن تركي
يعطيك العافيه اخوي عبدالله

[ابوبندر]

[ماقصرتو أخواني سعد الشيباني ’’ ومنصور الشيباني ’’ وعبدالله ’’ والذيب سرحان’’ وشكرآ لكم ونعدكم بالمزيد عما قريب أن شاء الله ’’’’’’’’’ أخوكم أبوبندر

[ابوعماش الشيباني]

اخوووووووووووي

عبدالله

صح لسانك

ولسان الشاعر

بندر بن تركي


والله يعطيك الف عافيه

[ابوبندر]

وهذا رد الشاعر مسلط بن مسيلط بن هليل على قصيدت بندر بن تركي بن هليل بن غلاب


خطن لقيته في البريد وقريته = عرفت بيته يوم بانت معانيه
شقوا زروفه وضهرولي حروفه = وأفرح بشوفه مير ماني بقاريه
ياجعل مابك باس خطك على الراس= ذكرني الهوجاس والقلب ناسيه
طرا علي أفكار والقلب محتار = كنه بشعلت نار والبعد حاديه
خلك على معناك وافكر بدنياك = قد جى العرب ما جاك محدن تخليه
غبر الليالي تدرج بالمحالي = كم راح من غالي وكم دار تخليه
بللغ سلامي للربوع اللحشامي = القلب ضامي والخبر منك يسقيه
أهل الفعايل كاسبين الجمايل = لطامت العايل ليأخط مواطيه
وأرجي الردايد في الليال الجدايد= ماهوب كايد بين مرسل وداعيه

وسوف نوافيكم بالمزيد من القصايد للشاعر وأتمنى أنهى تحوز على رضاكم مع تحيات ,,,,,ابوبندر

[ابوبندر]

وهذه مرثيه قالها الشاعر بندر بن تركي بن هليل في محسن بن سعيد الشيباني


لي صاحب ما ضنتي ياعلي بنساه = تداهمني العبرات لارحت ابي بيته
تداهمني العبرات لامرروا طرياه = وله لاهب باقصا المعاليق حسيته
فقيده على ربعه وبيته ومن ينصاه = يفرج همومك لاتعنيت ثم جيته
بعد راح ماجد واحدٍ صيفته وحلاه = وعلى شان ذلك صافي الدمع هليته
وقالو علامه ليش يبكي وش ابكاه = علامه تزايد كل ساعه تناهيته
وانا ابكي على اللي ودع الدار ثم خلاه = انا ابكي ومن جاني من الناس بكيته
ابوشاكر اللي لاوصل كل علم اقصاه = يفرج كروب اللي تنصاه في بيته
ابو شاكر اللي حرق القلب من فرقاه = علومي الاصعبة عليه تمنيته
تركله فراغ ماحدٍ ياعلي يملاه = ولاشوف له صوره ولا صوته اوحيته
وانا ارجى من الله يصلح اللي بقوا وراه = لسد الفراغ اللي بعد راح حسيته
عيالٍ على دربه ويمشون في ممشاه = وله صيت لن جادوا بقى بالدهر صيته
عسى جنة الفردوس محسن تجي مثواه = ولعله من أهل الخير ياعلي ياليتهونعدكم بالكثير من القصائد أن شاء الله أخوكم ’’’’’’’ابوبندر

[ذيب العبدلي]

الاخ عبدالله

الله يعافيك على طرح قصائد الشاعر بندر بن تركي

وصح لسانه ولا هنت ولك جزيل الشكر

الاخ ابو بندر

الله يعطيك العافيه ولاهنت على قصائد الشاعر بندر

والشاعر مسلط بن مسيلط (رحمة الله )اورجو منكم اخواني

تنزيل كل قصيده في موضوع جديد لكي تتطلع عليها الناس

ولكم مني جزيل الشكر والتقدير اخوكم النادر

[سعد الشيبانـي]

اخوي ابوبندر

صح السانك وصح لسان الشاعر بندر بن تركي الشيباني

وصح لسان الشاعر مسلط بن مسيلط الشيباني

وبيض الله وجهك يالغالي على الطرح القصائد الجزله

والله يعطيك الف عافيه ولاهنت على المجهود والبداع الرائع والجميل منك

وتقبل خالص أحترامي وتقديري

[ابوبندر]

:nosweat: صح بدنك ياخوي سعد الشيباني وشكراً على مرورك اخوك ابوبندر

[السميري]

شكرا لك ياعبد الله على هذه القصائد الجزله
وصح لسان الشاعر بندر بن تركي
والله لايهينك يا ابوبندر
وماقصرت

[ابوبندر]

لاهنت يالسميري
وشكرا على مرورك
اخوك ابوبندر