منصور الشيباني
25-01-2007, 05:07 PM
السلام عليكم ورحمة الله وبركاته
ماكل من يضحـك بوجهـك يحبـك=تضحك اوجيه اقوام وقلوبهـا سـود
كم ضاحكٍ قدمك اليـا غبـت سبـك=لو يعجبك هرجه اليا صرت موجـود
ترك الردي علاج روحـك وطبـك=وملايمـه ذلـه وشرهـه ومنـقـود
طبع الـردي وقـت الشدايـد يكبـك=مثل السحاب اللي بلا بـرق ورعـود
وخـل اعتمـادك واتكالـك بربـك=واحرص على رفقة هل الطيب والجود
ماهـوب خبـلٍ لـو تلقيـه لـبـك=تلقاه دايم ناقـص العـرف محـدود
صداقتـه لاصـار مليـان عـبـك=وليا فضـاء عبـك تجنبـك بالكـود
يوعـد وليـا واعـد بوعـده كذبـك=ماله مواثيـقٍ مـع النـاس وعهـود
ياللي بذرت بصبخـة الارض حبـك=ماتدري ان المصبخـه مابهـا فـود
مجلاسـك بجـوٍ هبـوبـه تهـبـك=يغنيك عن مجلس للانـذال ياسعـود
نقلا عن الشاعر مشعل من احد المنتديات
دمتم بود
ماكل من يضحـك بوجهـك يحبـك=تضحك اوجيه اقوام وقلوبهـا سـود
كم ضاحكٍ قدمك اليـا غبـت سبـك=لو يعجبك هرجه اليا صرت موجـود
ترك الردي علاج روحـك وطبـك=وملايمـه ذلـه وشرهـه ومنـقـود
طبع الـردي وقـت الشدايـد يكبـك=مثل السحاب اللي بلا بـرق ورعـود
وخـل اعتمـادك واتكالـك بربـك=واحرص على رفقة هل الطيب والجود
ماهـوب خبـلٍ لـو تلقيـه لـبـك=تلقاه دايم ناقـص العـرف محـدود
صداقتـه لاصـار مليـان عـبـك=وليا فضـاء عبـك تجنبـك بالكـود
يوعـد وليـا واعـد بوعـده كذبـك=ماله مواثيـقٍ مـع النـاس وعهـود
ياللي بذرت بصبخـة الارض حبـك=ماتدري ان المصبخـه مابهـا فـود
مجلاسـك بجـوٍ هبـوبـه تهـبـك=يغنيك عن مجلس للانـذال ياسعـود
نقلا عن الشاعر مشعل من احد المنتديات
دمتم بود