صور كشته

[الشاص]

السلام عليكم
والله مبطين عنكم وموضوعي ذا كان ابنزله قبل الدراسه بس مالله كتبه طقتنا صخونه الله لايوريكم
الزبده
من كل سنه جرت العادة اني اطلع مع شلة الانس والفرفشه للبر بعيد ضحيه شوا حر برد طالع طالع
وقلت ماهيب شينه ناخذ بعض الصور الصاحيه والي ماهيب صاحيه ونكون نقطه في بحر قروب ابو نواف الي بديت اعشقه لااا والله احبه << مايقلد ياسر التويجري
وعشان الصور الي جايب كثير وسويت لها تصفيات عشان نطلعها بالقروب برضو طلعت كثير قلت ابخليها جزئين
ولكم الصور وبعض التعليقات

قبل الصور بس بقولكم وجهتنا كانت لروضة الشوكي وهي تابعه لمحافظة تمير على طريق القصيم ولها كذا طريق يودي لها بس هذا الطريق السهل للي حاب يروح خفافي
يعني تجي لها 250 كيلو حتى ينتهي الازفلت
بس منطقه خيال اذا صابها المطر وبارك ربي به

http://images.abunawaf.com/2007/01/br1.jpg
وهذي راحلتنا وقافلتنا
http://images.abunawaf.com/2007/01/br2.jpg
موقعنا الي اخترناه ونصبنا فيه الخيمة

http://images.abunawaf.com/2007/01/br3.jpg
هذي من الضيوف الي ماتركونا من جينا لرحنا بس جا معها كم لقطه صوره نعرضها بعدين وبه شي خصوصي ماينعرض

http://images.abunawaf.com/2007/01/br4.jpg
وذا من شبابنا الي مايحب يجلس ابدا هوايته التسدح وشبو لي النار

http://images.abunawaf.com/2007/01/br5.jpg


هالصوره لقيتها بالكمره مادري من صورها شكله يبي يوريكم حنفيه الماء بالبر

http://images.abunawaf.com/2007/01/br6.jpg
بعد الفطور والشبعه يبدا المحارش بالجيران والشباب مسوين يقردنونها يبون حليب

http://images.abunawaf.com/2007/01/br7.jpg
صور من حول منطقتنا
http://images.abunawaf.com/2007/01/br8.jpg

بدينا بشبة النار وليالي الاونس

http://images.abunawaf.com/2007/01/br9.jpg
هذي مناظر الصباح الباكر وكان برد وجازلي انعكاس صورة الشجر بالماء

http://images.abunawaf.com/2007/01/br10.jpg
بذا الصورة لو لاحظتو الصيخ تبع الحنفيه تجمدت عليها قطرات المايه

http://images.abunawaf.com/2007/01/br11.jpg
لفتنا الصباح حول النار وشابين على قهوتنا ومويتنا وحليبنا

http://images.abunawaf.com/2007/01/br12.jpg


http://images.abunawaf.com/2007/01/br13.jpg

من فيكم سمع في القرص الي يطبخ في وسط الفحم هذا هو اكلتنا بهالصبحيه

http://images.abunawaf.com/2007/01/br14.jpg
مناظر من حولنا
http://images.abunawaf.com/2007/01/br15.jpg

http://images.abunawaf.com/2007/01/br16.jpg
يوم شفنا البرد بيشتد وحسينا ان نارنا لازم تصير شابه قلنا مابدهااشي فاسك والشجر اليابس
بس تبون الجد التحطيب هذا شغله تجيب النشاط
http://images.abunawaf.com/2007/01/br17.jpg



هالدرج سوينا لابغينا نغتسل من السيل ولا شي





هالرخله الصغيره عمرها يومين وانا ماغير اتسدح عندها واصورها وهي تطالعني وتقول وش يبي ذا
على فكره رخله يعني بنت صغير بس يطلقونها على الغنمة الصغيره
http://images.abunawaf.com/2007/01/br18.jpg



آآآآآآآه بتقولون ليش اقول اه حنى والشباب تمنينا نبيع ذممنا ذاك الوقت ونسرق واحد من
هالهرافا ونذبحه ونقلب ضليهاته على نارنا ونمصمص عظيماته بس ربك يطالعنا بالله ياشباب تخيلو فوق
النار يشوا وانت بهالمكان وش شعورك
المشكله السوداني رافض يبيع


http://images.abunawaf.com/2007/01/br19.jpg

مناضر من حوولنا


http://images.abunawaf.com/2007/01/br20.jpg


آآه هذا هو السوداني ابو رادو
هذا رفضن يبيع يقول الكفيل داير يزعل
بس حبيب صدته فوق جبل يدور ابراج جوال معه جوال لو صكيته في جبهت واحد ان يطير دمه تقول نافوره
http://images.abunawaf.com/2007/01/br21.jpg
هذا رادوه مر علينا وهو يسمع نانسي عجرم على اذاعة الكويت تمنيت الكامره
حولي اسجله فديو ولا الجوال بس مالكم بالضحكه نصيب

http://images.abunawaf.com/2007/01/br22.jpg
هذا خوينا بعد مالقط الارسال
عاد من زود الفراسه عنده يدق ويقفل عشان يدقون عليه وانا يوم شفته صاد ابراج
واصوت لربعي اقول به ابراج
شوي الا السوداني يقول داير تخطف الابراج مني
وانا الي افقع ضحك
بس والله ماقصر كل صبح جايب لنا حليب ماعز ومابه احلا منه شرب ومع القرص

من بريدي
( مـــــنـــــقــــــول )

[ابوعماش الشيباني]

مشكوووووووووور اخوووووووووووي


الشاص


والله يعطيك الف عافيه


ولا هنت على النقل

[منصور الشيباني]

بارك الله فيك يالشاص على طرح الموضوع

وجزاك الله خير :)

بر ووناسه هههههههههههه

الى الامام يالغالي

ودمت بخير

[طلق الازلع]

اخووووي

الشاص

مشكوووور يالغالي على الطرح الرائع

وبيض الله وجهك على الصور اللي ترد الروح

والله يعطيك الف عافيه

بنتظار جديدك وابداعاتك


تحيـــ؛؛؛ـــاتي؛؛؛

[ابوبراك]

مشكوور يالغالي على الطرح الرائع

وبيض الله وجهك على الصور

والله يعطيك الف عافيه

بنتظار جديدك وابداعاتك

[العبدلي]

لاهنت اخوي الشاص

يعطيك العافيه على النقل

الحقيقه طلعه محترمه:sly:

[ذيب الشيباني]

مشكور يالشاص صوّر جميله ورائعه للغايه :)

[ابو فيصل الشيباني]

مشكوور يالغالي على الطرح الرائع

وبيض الله وجهك على الصور

والله يعطيك الف عافيه

تقبل مروري

[الشاص]

ابو عماش الشيباني
منصور الشيباني
طــــــلــق الازلع
ابــــو براك
الــعـــبدلي
ذيب الشيباني
ابو فيصل الشيباني
شاكر على مروركم والردود الجميله