الفارس
26-02-2007, 10:26 PM
السلام عليكم ورحمة الله وبركاته
كان فيه رجال فقير ولا يمملك شي ماعنده حلال ولاعنده شي وكان هذا الرجال متزوج وحرمته حامل المهم يوم جا يوماً من الايام فكر الرجال وقال انا فقير ولاعندي شي مار ابا اروح اترزق الله راح الرجال لهله وقالهم اني ابا اروح ادورلي شغل وقالو ماتشوف شر المهم راح الرجال لديره بعيده عن ديار ربعه ويوم جا يوماً من الايام ليهاك البيوت الي عندها ريجيل قال الرجال انا ابروح لهالريجيل اضن الله يرزقني بشغل ولابشي راح الرجال الهم وسلم علاهم وقلطوه الريجيل وضيفوه ويوم اخذ الرجال عنهم ايام قالوله الريجيل انت وش عندك قال الرجال انا رجال فقير وحدتني الضروف على اني اخلي اهلي ودورلي شغل ويوم شفتكم قلت اضني القالي عند الريجيل هضالا شغل ثم جيتكم المهم فيه واحد من الريجيل هضالا تاجر وعنده حلال ورجال غني قال لطرقي انا رجال عندي حلال ولاعندي رعيان مار كانك تبا تصابي عندي فابشر بسعدك قال الطرقي ايوالله انا ماجيت الى ابا الشغل قاله خلاص خلك عند البل صبي وابا اعطيك كل سنه بكره قال طيب المهم الرجال قعد السنه الاولى ثم الثانيه والي ورها تم الخامسه ثم العاشره ثم ابطا المهم الرجال اخذ ثلاثين سنه ويم جاء يوماً من الايام فكر الرجال فهله وربعه وطرا علاه المعواد ويم طرا علاه المعواد راح لعمه راع الحلال وقال انا ياعمي ابطيت عندكم وراحت السنين علي وانا هالحين ابا اعود لهلي قال ابك كيف تعود لهلك حنا معاد نصبر عنك لاتروح عنا قال والله انه ودي لكن لازم اعود لهلي قال اجل ما حنا برادينك عن اهلك مار انت كم اخت من سنه قال اخت ثلاثين سنه قال انا تراني على شرطي الي انت خابر المهم راحو للبل وعزله عمه ثلاثين ناقه من اطيب اباعره وقال هاذي اباعرك وافلح قام الرجال واستاق اباعره وروح يم اهله المهم الرجال وهو في الطريق لقاله هاك العود الي يقول من يشتري نصيحه بعشر نياق قال الرجال في نفسه انا ورا مروحله واعطيه عشر نياق واشوف وشنهي نصيحته المهم راحله الرجال وقال انا ابشر نصيحه قال العود عطني عشر من اباعرك قال هاك العشر ويوم اخذ العود العشر قال هاك النصيحه قال وشنهي قال لاتخاوي الرجال الي عيونه صفر وسنونه طوال فكر الرجال في نفسه وقال انا ورا معطيه عشراً ثانيه واخذ نصيحته ويبقا معي عشر والعشر فيها بركه المهم قال للعود انا ابعطيك عشرثانيه واباك تعطيني نصيحه قال العود هاتها عطاه العشر وقاله العود اخذ النصيحه قال وشنهي قال لانزل في الوادي ولاترقد فيه قال الرجال في نفسه العود هذا اخذ اباعري العشرين ورا ملحقها العشر الباقيه واخذلي نصيحه يمكن تكون ازين من الاوله المهم قال للعود انا ابعطيك العشر الباقيه وابا نصيحه قال العود هاتها عطاه العشر وقاله العود اخذ النصيحه قال وشنهي قال قال ليا جيت تبا تسوي شي في اليل لاتسويه الى ليا جا الصبح المهم الرجال راح من عند العود مامعه الى عصاه ومعه مزوده فيها تمر وطحين وقربه فيها ما المهم الرجال وهو في الدرب والوقت ليل لقا هاك الرجال الي على ذلول وقاله راع الذلول انت وين انت رايح قال ابا الديره الفلانيه قال راع الذلول انا مثلك رايحلها المهم تخاوا هوياه وسولفو قال راعي الذلول وش رايك نوخ في هالرقه ونصلح عشانا ونمسي قال طيب المهم راح راعي الذلول وجمع الحطب وشب النار وصلح القرص ليهو رجال نشمي المهم سولفو على النار بعد العشاء وانتبه الرجال لوجه راعي الذلول وبرق فيه لوالله ان عيونه صفر وسنونه طوال ثم قعد يفكر في نفسه وذكر نصيحة العود وقال في نفسه وخسارة اباعري الي عطيتها العود الكذوب الرجال هذا نشمي وعلومه كلها غانمه ويبا يقطعني منه المهم الريجيل سولفو شوي ثم امسو المهم يوم امسو الرجال الطريقي عيا يجيه النوم واخذ شوي لوالله ان عند راسه حركه ويوم رفع راسه لوالله ان راع الذلول الملعون يوم طعنه بالقديمي في ذراعه المهم قام وتناوش المشعاب واخذه هو يتحما هويطع راع الذلول في راسه وليهو طاشاً راس راعي الذلول المهم راع الذلول مات واخذ الرجال ذلوله وراحبها وذراعه يمشي دم المهم يوم اخذ وليهاك الريجيل الي جايين في هاك الشعيب ومصلحين فطورهم جاهم الرجال وقال انا مصوب طحت من فوق الذلول وطعنتني القديمي قالو الريجيل حياك الله المهم عالجوه الريجيل وقعد عندهم وافطر وعين خار وتغدا المهم يوم جت تبا تطيح الشمس ليا الرجال يذكر نصيحت العود فكر في نفسه وتعين في السماء ليا والله مافيه سحاب ولاشي وقال وا خسارة اباعري المهم الريجيل امسو ويوم جا بيمسي لوالله انه يذكر كلام العود قال انا ورا مرقد في راس الضلع سبحان الله يمكن العود صاق مثل المره الاوله قال الرجال للريجيل انا ابرقدفي راس الضلع قالو لاه قال الناس يقولون الوادي ماينرقد فيه قعدو يضحكون قالو تشوف فالسماء شي قال لاوالله قالو هوراك ذال المهم الرجال اخذ ذلوله وراح لراس الضلع ورقد ويم قام وتعين فالشعيب لوالله ان جايه سيل عوير من ديراً بعيده وقاشاً جميع الي فيه المهم الرجال يوم اصبح الصبح راح واخذله عدت ايام ويوم جاء يوم وقرب من عند ربعه امساه الليل وقال انا ابا امسي مانيب هاجداً اهلي تال اليل ابا اجيهم بكره معصبح المهم الرجال حط راس وتقلب عيا يجيه النوم ربعه يشوف نيرانهم ويوحي نبح كلابهم المهم الرجال قام وراح وقال انا اول مروح ابا اروح لحرمتي المهم الرجال راح لبيته ويوم دخل فيه لوالله ان هاذي حرمته راقده وعندها رجالاً راقد المهم والرجال يطلع القديمي بيذبح الرجال الي راقد وحرمته لهو يذكر نصيحت العود قال في نفسه العود هالمره كذب وانا مانيب طايعه ويم هوب على الرجال بيذبحه لهو يوم فكر وقال انا ابطيع العود المهم طلع الرجال وراح ورا البيوت وقعد لين اصبح الصبح هو يقوم هو يتناوش بيت حرمته لوالله ان حرمته تقهوا مع الرجال وتسولف قال لايملعونه انا متغرب واخذلي ثلاثين سنه علشان اجيب الكم العيشه وانتي مع هالسلوقي المهم طلع القديمي يبا يذبح الرجال والحرمه تصيح قالت ابك لاتذبحه هذا والدك المهم سلم على والده وراح لربعه وعلمهم بسوالفه كلها.
وسلامتكم
كان فيه رجال فقير ولا يمملك شي ماعنده حلال ولاعنده شي وكان هذا الرجال متزوج وحرمته حامل المهم يوم جا يوماً من الايام فكر الرجال وقال انا فقير ولاعندي شي مار ابا اروح اترزق الله راح الرجال لهله وقالهم اني ابا اروح ادورلي شغل وقالو ماتشوف شر المهم راح الرجال لديره بعيده عن ديار ربعه ويوم جا يوماً من الايام ليهاك البيوت الي عندها ريجيل قال الرجال انا ابروح لهالريجيل اضن الله يرزقني بشغل ولابشي راح الرجال الهم وسلم علاهم وقلطوه الريجيل وضيفوه ويوم اخذ الرجال عنهم ايام قالوله الريجيل انت وش عندك قال الرجال انا رجال فقير وحدتني الضروف على اني اخلي اهلي ودورلي شغل ويوم شفتكم قلت اضني القالي عند الريجيل هضالا شغل ثم جيتكم المهم فيه واحد من الريجيل هضالا تاجر وعنده حلال ورجال غني قال لطرقي انا رجال عندي حلال ولاعندي رعيان مار كانك تبا تصابي عندي فابشر بسعدك قال الطرقي ايوالله انا ماجيت الى ابا الشغل قاله خلاص خلك عند البل صبي وابا اعطيك كل سنه بكره قال طيب المهم الرجال قعد السنه الاولى ثم الثانيه والي ورها تم الخامسه ثم العاشره ثم ابطا المهم الرجال اخذ ثلاثين سنه ويم جاء يوماً من الايام فكر الرجال فهله وربعه وطرا علاه المعواد ويم طرا علاه المعواد راح لعمه راع الحلال وقال انا ياعمي ابطيت عندكم وراحت السنين علي وانا هالحين ابا اعود لهلي قال ابك كيف تعود لهلك حنا معاد نصبر عنك لاتروح عنا قال والله انه ودي لكن لازم اعود لهلي قال اجل ما حنا برادينك عن اهلك مار انت كم اخت من سنه قال اخت ثلاثين سنه قال انا تراني على شرطي الي انت خابر المهم راحو للبل وعزله عمه ثلاثين ناقه من اطيب اباعره وقال هاذي اباعرك وافلح قام الرجال واستاق اباعره وروح يم اهله المهم الرجال وهو في الطريق لقاله هاك العود الي يقول من يشتري نصيحه بعشر نياق قال الرجال في نفسه انا ورا مروحله واعطيه عشر نياق واشوف وشنهي نصيحته المهم راحله الرجال وقال انا ابشر نصيحه قال العود عطني عشر من اباعرك قال هاك العشر ويوم اخذ العود العشر قال هاك النصيحه قال وشنهي قال لاتخاوي الرجال الي عيونه صفر وسنونه طوال فكر الرجال في نفسه وقال انا ورا معطيه عشراً ثانيه واخذ نصيحته ويبقا معي عشر والعشر فيها بركه المهم قال للعود انا ابعطيك عشرثانيه واباك تعطيني نصيحه قال العود هاتها عطاه العشر وقاله العود اخذ النصيحه قال وشنهي قال لانزل في الوادي ولاترقد فيه قال الرجال في نفسه العود هذا اخذ اباعري العشرين ورا ملحقها العشر الباقيه واخذلي نصيحه يمكن تكون ازين من الاوله المهم قال للعود انا ابعطيك العشر الباقيه وابا نصيحه قال العود هاتها عطاه العشر وقاله العود اخذ النصيحه قال وشنهي قال قال ليا جيت تبا تسوي شي في اليل لاتسويه الى ليا جا الصبح المهم الرجال راح من عند العود مامعه الى عصاه ومعه مزوده فيها تمر وطحين وقربه فيها ما المهم الرجال وهو في الدرب والوقت ليل لقا هاك الرجال الي على ذلول وقاله راع الذلول انت وين انت رايح قال ابا الديره الفلانيه قال راع الذلول انا مثلك رايحلها المهم تخاوا هوياه وسولفو قال راعي الذلول وش رايك نوخ في هالرقه ونصلح عشانا ونمسي قال طيب المهم راح راعي الذلول وجمع الحطب وشب النار وصلح القرص ليهو رجال نشمي المهم سولفو على النار بعد العشاء وانتبه الرجال لوجه راعي الذلول وبرق فيه لوالله ان عيونه صفر وسنونه طوال ثم قعد يفكر في نفسه وذكر نصيحة العود وقال في نفسه وخسارة اباعري الي عطيتها العود الكذوب الرجال هذا نشمي وعلومه كلها غانمه ويبا يقطعني منه المهم الريجيل سولفو شوي ثم امسو المهم يوم امسو الرجال الطريقي عيا يجيه النوم واخذ شوي لوالله ان عند راسه حركه ويوم رفع راسه لوالله ان راع الذلول الملعون يوم طعنه بالقديمي في ذراعه المهم قام وتناوش المشعاب واخذه هو يتحما هويطع راع الذلول في راسه وليهو طاشاً راس راعي الذلول المهم راع الذلول مات واخذ الرجال ذلوله وراحبها وذراعه يمشي دم المهم يوم اخذ وليهاك الريجيل الي جايين في هاك الشعيب ومصلحين فطورهم جاهم الرجال وقال انا مصوب طحت من فوق الذلول وطعنتني القديمي قالو الريجيل حياك الله المهم عالجوه الريجيل وقعد عندهم وافطر وعين خار وتغدا المهم يوم جت تبا تطيح الشمس ليا الرجال يذكر نصيحت العود فكر في نفسه وتعين في السماء ليا والله مافيه سحاب ولاشي وقال وا خسارة اباعري المهم الريجيل امسو ويوم جا بيمسي لوالله انه يذكر كلام العود قال انا ورا مرقد في راس الضلع سبحان الله يمكن العود صاق مثل المره الاوله قال الرجال للريجيل انا ابرقدفي راس الضلع قالو لاه قال الناس يقولون الوادي ماينرقد فيه قعدو يضحكون قالو تشوف فالسماء شي قال لاوالله قالو هوراك ذال المهم الرجال اخذ ذلوله وراح لراس الضلع ورقد ويم قام وتعين فالشعيب لوالله ان جايه سيل عوير من ديراً بعيده وقاشاً جميع الي فيه المهم الرجال يوم اصبح الصبح راح واخذله عدت ايام ويوم جاء يوم وقرب من عند ربعه امساه الليل وقال انا ابا امسي مانيب هاجداً اهلي تال اليل ابا اجيهم بكره معصبح المهم الرجال حط راس وتقلب عيا يجيه النوم ربعه يشوف نيرانهم ويوحي نبح كلابهم المهم الرجال قام وراح وقال انا اول مروح ابا اروح لحرمتي المهم الرجال راح لبيته ويوم دخل فيه لوالله ان هاذي حرمته راقده وعندها رجالاً راقد المهم والرجال يطلع القديمي بيذبح الرجال الي راقد وحرمته لهو يذكر نصيحت العود قال في نفسه العود هالمره كذب وانا مانيب طايعه ويم هوب على الرجال بيذبحه لهو يوم فكر وقال انا ابطيع العود المهم طلع الرجال وراح ورا البيوت وقعد لين اصبح الصبح هو يقوم هو يتناوش بيت حرمته لوالله ان حرمته تقهوا مع الرجال وتسولف قال لايملعونه انا متغرب واخذلي ثلاثين سنه علشان اجيب الكم العيشه وانتي مع هالسلوقي المهم طلع القديمي يبا يذبح الرجال والحرمه تصيح قالت ابك لاتذبحه هذا والدك المهم سلم على والده وراح لربعه وعلمهم بسوالفه كلها.
وسلامتكم