"عابر"
04-04-2007, 12:52 PM
محاوره جميله بين الشاعرين الكبيرين نجر العصيمي وغازي مهنا الشيباني
نجر :
الليله الليله يبن شيبان جردنا السيوف=في ساحة الميدان ياغازي نجرّب حدّها
المعركه نقدم لها ياصاحبي وانته تشوف=نقدم على الموت الحمر والله يهوّن ضدها
غازي :
يانجر كلٍ نفهمه والفعل من قبل معروف=كانك تعّـد لعمّهـا حنـا نعـد لجدّهـا
أحد يعوّد مافعل وأحدٍ على العاصي يطوف=واللي يريد الطايلـه يمنـاه محـدٍ ردهـا
نجر :
أن جاك طقه فالعصا وان جاك طخه فالكفوف=حاذور لاتصبر مثل نـاسٍ تصعّـر خدهـا
خلك على راس السنام ولا تحوّل للردوف=أفتك حقّك والحقـوق المستحقـه بدّهـا
غازي :
نطّز عين المعتدي ونعّف عن بعض الضعوف=يومن يمنا ابن الردي تقصر بعد مـا مدّهـا
نافي ونوفي حقّنا والناس من دونه وقوف=وانته تبا روز جبله وان كان تقدر هدّها
نجر :
شالوك ياغازي من الرقه على روس الكتوف=واصبحت معك اقرون واعيون الحريب أتسدّها
وأحدٍ شرب له ما والثاني تعشاله خروف=ومعزّب الضيفان واحد وانته كفو وقدّها
غازي :
الناس تمشي بالسفر وانته على راسك كسوف=واللي يضيّع حسبته يمـوت ماكمـل عدهـا
حنا كشفنا صفحتك مكملت ترجمت الحروف=وانا الشهاده جبتهـا يـم المديـر وشدّهـا
وسلامتكم ،،،،،،،،،،،،،
نجر :
الليله الليله يبن شيبان جردنا السيوف=في ساحة الميدان ياغازي نجرّب حدّها
المعركه نقدم لها ياصاحبي وانته تشوف=نقدم على الموت الحمر والله يهوّن ضدها
غازي :
يانجر كلٍ نفهمه والفعل من قبل معروف=كانك تعّـد لعمّهـا حنـا نعـد لجدّهـا
أحد يعوّد مافعل وأحدٍ على العاصي يطوف=واللي يريد الطايلـه يمنـاه محـدٍ ردهـا
نجر :
أن جاك طقه فالعصا وان جاك طخه فالكفوف=حاذور لاتصبر مثل نـاسٍ تصعّـر خدهـا
خلك على راس السنام ولا تحوّل للردوف=أفتك حقّك والحقـوق المستحقـه بدّهـا
غازي :
نطّز عين المعتدي ونعّف عن بعض الضعوف=يومن يمنا ابن الردي تقصر بعد مـا مدّهـا
نافي ونوفي حقّنا والناس من دونه وقوف=وانته تبا روز جبله وان كان تقدر هدّها
نجر :
شالوك ياغازي من الرقه على روس الكتوف=واصبحت معك اقرون واعيون الحريب أتسدّها
وأحدٍ شرب له ما والثاني تعشاله خروف=ومعزّب الضيفان واحد وانته كفو وقدّها
غازي :
الناس تمشي بالسفر وانته على راسك كسوف=واللي يضيّع حسبته يمـوت ماكمـل عدهـا
حنا كشفنا صفحتك مكملت ترجمت الحروف=وانا الشهاده جبتهـا يـم المديـر وشدّهـا
وسلامتكم ،،،،،،،،،،،،،