اخــبـــار الامــــطــــــــــــار

[بندر]

وش اعلوم الامطار يالربع

بشرو عسى ديرنا جاها امطار

[ذيب العبدلي]

الاخ بندر

اشكرك على موضوع الامطار

اما من القصيم لين تجي الرياض وانت مع سيل

واما من دوار حفر العتش لين الرياض وانت مع سيل

وديار الشيابين والله ماجاني منها علوم للحين وسلامتكم

اللهم ارحم عبادك برحمتك الواسعه وزدهم من فظلك

[ناصر الشيباني]

الله يرزقنا وبارك الله فيك أخوي النادر جبت العلم وخبرونا عن إخر التطورات


وتحياتي

[منصور الشيباني]

الله يرزق المسلمين

شاكر لك اخوي بندر على طرح الموضوع

وشاكر لك اخوي النادر على الخبر :)

وتقبل تحياتي

[ابن مشيب]

جعلها امطار خير وبركته , وفي إنتظار اخبار الخير والبركه على ديار الشيابين


تحياتي

[بندر]

النادر
زانت علومك

ناصر الشيباني
منصور الشيباني
ابن مشيب
شكراً لمروركم

[ابوبندر]

الاخ بندر
شكرا لك على طرح الموضوع
وشكرا لنادر على الاخبار المفرحه
والله يعطيكم العافيه والله يجيب الخير
اخوكم ’’’’’’’’’’’’’’’’’’’’’ابوبندر

[عباس مشعل الشيباني]

السلام عليكم ورحمه الله وبركاته

مساكم الله بالخير يالربع


اما بالنسبه لعلوم الامطار يالربع ابشرو بها

انا ركبت عقب صلاه العصر من الطايف تجاه الرياض وعلى دربي ديرنا وامساني اليل حول الحوميات مير صلاه العصر كلموني رياجيل سبقوني ويقولون على الخاصره وحلبان شعوف وامطار قويه على هوى مصطفق وانا يوم ضربت الديره مع اليل اشوف الماء مع الخط ويمينه ويساره ماء واجد وكلموني رياجيل وعلى كلامهم يقولون مسيوله والشعبان جاني عن شعيب خنزير المعروف انه سال ومبطي ماسال واما عن المطر عن دير عتيبه فانا بالسيل من دون المويه خمسين كيلو لين قلت سلام يالرياض وانا في ماء وفي غيمه وحده والهوى واحد وكان ودي اني وصلت الدير العصر حتى اني اصور لاكن ماسعفني الوقت ولاكن انشالله بعد بكره انا رايح وراح اصورها وارسلها على احد الشباب هنا وسائط وينزلها باذن الله


وسلامتكم


اخوكم

عباس مشعل الشيباني

[ابن مشيب]

بيض الله وجهك ياعباس , والله لايهينك على تبني تصوير امطار الخير والبركة


تحياتي

[ذيب الشيباني]

الله يجعلها امطار خير وبركه على المسلمين

[شبل اعتيبه]

السلام عليكم ورحمة الله وبركاته

مساكم الله بالخير جتنا علوم المطر من الربع عسوس للدهناء يقولون الشعيب الكبير بين حفر العتش وبين

الدنانه سايل والملتهبه وجت برديه علي صياهد المثلث يقولون كسرت قزاز المواتر وراضة نوره سايله ووقعت

سحابه علي اللحيسيه يقولون والله ماندري وش فعلها وهم ماشين وشعيب رماح الكبير سايل العلوم هاذي

اليوم000 وسلامتكم شبل عتيبه

[][^ الفيحاني ^][]

اهلين

ابشورا بالمطر يلاد شيبان المطر عام بأذن الله

لكن اليوم الخميس كلمني رجال من الشرقيه لين الرياض مطر مدري وش وقع مطره


المهم ديار الشيابين المطر من الخاصره جنوب على خنزير والنفود والشقر وذقان العطشان

هذي الديره قشع وبعضهاا سيل والدخول قبل امس عليه شخووط ولاهي بعريضه

ولا مدحوا مطر الدخول هذا والله اعلم