"عابر"
08-10-2006, 01:14 PM
أخواني أضع بين أيديكم بعض من قصائد الشاعر غازي مهنا الشيباني آمل أن تحوز على رضاكم ودمتم سالمين .....
-----------------------------
جندت نفسـي لنفسـي عـن معاثرهـا=اخـاف مـن عثـرة تصعـب تواليهـا
لعـل ربـي علـى الاصـلاح يامرهـا=النفس تجهل وأخـاف ابليـس يغويهـا
اخـاف تسـرح مـع الدنيـا تغيرهـا=اهـدي النفـس لـو كثـرة طواريـهـا
اتعب علـى السمعـة العليـا وادورهـا=وليا بغـت مسلـك الـزلات عاصيهـا
ابـي لهـا المرجلـه مانـي بعاذرهـا=لـو المـراجـل تعيـبـات مراقيـهـا
اقص الأمجاد وأمشـي مـع جرايرهـا=اتبع طريقـة رجـال الجـود وامشيهـا
اغلي هل الطيب ماضيهـا وحاضرهـا=احـب عاداتـهـم مـانـي مخليـهـا
واصبر ليا ضقـت ليـن الله اييسرهـا=لو خصني حاجـة للنـاس مـا بديهـا
والهرجـة اللـي تعدانـي مـا فسرهـا=ولا شفق على كشفها مـن دون راعيهـا
واتـرك سبيـل العـرب لله يدبـرهـا=تجينـي السالفـة ماكـنـي أوحيـهـا
أقول مـدري بهـا لـو كنـت خابرهـا=واللـي سألنـي يبيهـا قلـت ناسيـهـا
وش لي وراء الناس يوم اجرح مشاعرها=الفتـنـة الميـتـة مـانـي بمحييـهـا
**********
كريـم يابـرق بعيـد سحـابـه=جعله على هاك المشاريف صباب
جعله على المشقوق يسقي ترابه=ويسقي سحيله والينوفي وعباب
والهضب من سيله تدفق شعابـه=دار يحن القلب يمه ولـو غـاب
دار بها تسمع تعـاوى الذيابـه=فيها النبشتي ما يوقف على الباب
منزال ربع كـل ابوهـم قرابـه=ما بين عم وخال ما فيهم اجناب
قلبي كمـا دلـو تجـدد خرابـه=يقفي ويقبل بين غارف وجـذاب
دلي علـى عـد قليـل شرابـه=لاروى الهليك ولا لقا عنه مجناب
شفي بمشقـوق جديـد خصابـه=فيه البيوت اللي تبنـا بالاطنـاب
اخير من قصـر الا صـك بابـه=اليا لفاه مسير مـن هلـه هـاب
سلم الحضارة خاطري مارضابـه=لكن اطيع الوقت والوقت غصاب
كل على ما قيـل وقتـه مشابـه=وانا بوقتي سرت والكيف ما طاب
قلب ذكر ما ضيه جـدد عذابـه=والراس من كثر التفاكير قد شاب
**********
ملبوس غيرك لو لبسته يعيبك =وهرج بلا معنا يعود سماجه
ان كان حملك ما تشيله مناكبك =اطلب جزيل المد وادعه وناجه
لا ترتجي من واحد ما يوجبك =لو كان من دنياك مستك حاجه
ترا كثير الناس لو كان يعجبك =سحاب صيف مقتفيته عجاجه
ان شاف عندك شي حبك وقربك =وان قل ما بيدك كثير احتجاجه
ان جدت له وده من الخير ينهبك =واليا نصيته صد واخلا مداجه
اليا بدالك لازم فيه جنبك =وقدم عذاره لين يلقا خراجه
خل الردي من رفقته ويش مكسبك =خله بحاله لا تعكر مزاجه
وقت السعه لا غبت مره يعاتبك =والا بوقت اللازمه ما يواجه
انصى الرفيق اللي ليا ضاق حاجبك =لا جيت يمه قام يضحك حجاجه
يفرح من افراحك ويجزع لصايبك =وعلاج ضيمك لا تصعب اعلاجه
**********
ياللي على الماضي توجد من اليـاس=تبكي على الماضي وبالصدر ضيقـه
انس الزمان اللي عليه الدهـر داس=من يرجـع ايـا الشبـاب العتيقـه
وان هب لك من صاف الوقت نسناس=خلك بدرب الجـود رجلـك طليقـه
وان شفت ناقل شيخة مالهـا سـاس=سـراب صبخـا لا يغـرك بريقـه
عزك من الله ماش عز ورا النـاس=مكن ايدينـك مـن عـراه الوثيقـه
وارفع مقام النفس عن درب الادناس=والا تـرا ضلـع الندامـه تويـقـه
ترا دروب الهون ماترفـع الـراس=اسـأل مجـرب يخبـرك بالحقيقـه
واختر لنفسك مع هل الجود مجلاس=وراع الردا والخبث جنـب طريقـه
ترا دروب الهـون مافيـه نومـاس=والطيب حملـه كايـد مـن يطيقـه
ومن طاوع الشيطان يبشر بالافلاس=من طاوع الشيطان يصبـح رفيقـه
ابليس لايغويك فـي كـل وسـواس=ويرميك في موج البحـور العميقـه
***************
البارحه في منامي هاض هوجاسي =من ضيقة في الضمير أخفي مرامسها
تحز في خاطري واخفيت الارماسي =من عام الاول وانا في بالي ادرسها
اتعب على بنيها واجود الساسي =واخاف وادرا الليالي لا تنكسها
واكن في ضامري لاتدري الناسي =واهدي النفس والاسرار حابسها
ابصر بحالي واكيل العلم من راسي =وهدوم غيري من العازات مالبسها
والرجل أجنب بها عن بهض الاجناسي =واسكر الاذن لاتسمع وساوسها
ما كني اوحي خبر لو كان حساسي =بعض السوالف ترا السمعه تدنسها
وان شفت ماعفت ما طول بمجلاسي =وسراقت الهرج ما جلس في مجالسها
تمضي الليالي جديدات ومراسي =محمد كشف غيب الايام ودسايسها
دنيا تبذ الخفا وتلين القاسي =لو ربحة ناس ابه ناس تفلسها
صار الحصيني بها والذيب متواسي =نفسه تهقويه ويحاول ينومسها
وابوحقب في زمانه صار قرناسي =يشره على ذبحة الصيده ويفرسها
****************
طـال الزمـان وشيـب الـراس مـا رتـحـت=تومـيـبـي الأيـــام مــنــا ومــنــا
وأن مسنـي حاجـه بالأسـرار مــا بـحـت=ويــم الوجـيـه الهابـيـه مـــا تـعـنـا
أثـر العـرب مـا تلتفـت فيـك لـو صـحـت=ألا كـريـم (ن) مـــد جـــوده شمـلـنـا
أمسيـت فـي ديـره وفـي ديـره أصبـحـت=وعيا الزمن ما طاع غازي مهنا
******************
أمشي بحكم الوقت والله عوينــي =نوب غني ونوب مخباي خالـــي
ما تصفي الدنيا على كل حينـــــي =ولا حدن من الدنيا سليم وسالي
بالحظ والمقسوم عندي يقينــــــي= الوقت حكمه ما يطيع الرجالـــي
ولو بالتمني ما طلبته يجينــــــــــي =بنيت قصرا على الدرب عاـــلي
وما دام ما تعطي شمالي يمينـي = ما فادني عمي وفزعة خوالـــي
رزقي من الله كاتبه في جبينــي = لو اشتكي للناس ما حدن بكالي
أصبر ولا بد المخفى يبينــــــــي = ما ني ببين للعرب ما جرالـــي
******************
فكرت في دنياي بالعرض والطــــول =وأصبح خطاها ما يساوي نصفهـــــــا
لو طاب لي في عيشها كل ماكــــول = كيف أهتني في تمرها من حشفهــا
تضحك لنا الايام والغيب مجهــــــــول = واتعبت نفسي ما تحقق هدفهـــــــا
نفسي لها هومات وتصول وتجــــول =ولا بد دورات الزمان تعسفهــــــــــــا
لو أشرب الصافي قراح ومزلـــــــول = كم شربة للكبد تنكر عدفهـــــــــــــــا
أسمع وانا قلبي عن الهرج مقفــــول = وفي صدري الأسرار ما احد كشفها
لو تعجبك يمناك والزند مفتــــــــــــول = لا بد ما الايام تثبت ضعفهـــــــــــــــــا
تصفي لك الايام ساعات وتــــــــزول = لو مهلت لك منك تخلي طرفهــــــــــا
كم واحد كنه عن الموت مكفـــــــــول = واقفا وباقي عملته ما صرفهـــــــــــا
وش عاد لو عمرك يكمل مية حــــــول = من شاف تالية النهاية عرفهـــــــــــا
أعرض عن الزلات وابعد عن القــــول = وخالف هوا نفسك ونزه شرفهـــــــا
وترا الطريق اللي عن العدل معزول = أما يهين النفس ولا حرفهــــــــــــــــا
*******************
القلب له غفلات في بعض الاوقات =واليا انتبه نطيت روس الشواهيق
يجيه هاجوس الضحى عشر مرات =من كثر ما يبدي على الرجم ويويق
عليك ياساكن ديار بعيدات =اللي عطاني عهد منه ومواثيق
ودي بقربه والليالي معيات =يا ما عصن قبلي رجال مطاليق
اخذت لي في ماضي العمر سجات =سجات عني تبعد الهم والضيق
واليوم طاروق الهواء بيننا مات =باقي هوانا نتركه للعشاشيق
عايش على ذكرى الزمان الذي فات =وضاق الضمير اللي سدوده مغاليق
*****************
قـال الـذي مالفـق الهـرج تلفـيـق=ماكـل كلمـه تعتـرض لـه لفقـهـا
يختار مـن جـزل المعانـي مواثيـق=هيـض يجـول بضامـره ماسرقـهـا
يشرح بها مكنون صدره عـن الضيـق=لاشـاف عـدلات القوافـي عشقـهـا
يمشي علـى درب الرجـال المطاليـق=اللـي تنومـس مـن يسيـر برفقهـا
عقلـه ثقيـل ولا يحـب المطافـيـق=وبعض السوالـف يستحـي مانطقهـا
ابـا تلـزى ميـر عيـيـت لا لـيـق=نفسـي تنادمنـي وتظهـر حمقـهـا
انـا ليامـنـي بـديـت الطـواريـق=ارفـع معانـي وزنهـا عـن غرقهـا
خلوني ابـدي عالـي الرجـم واويـق=رجلـي يجاريهـا الخـلا فـي طرقهـا
الله مـن هـم(ن) يـتـل المعالـيـق=تـل الفـراز الوافيـه مـع شنقـهـا
اقولهـا مالـي مـن النـاس عشيـق=وقت(ن) شغل فكري وحال(ن) طرقهـا
ابـا اتصبـر ميـر للصبـر ماطـيـق=الحـال حالبـه الـفـراق اوسقـهـا
بـلاي مـن نـاس حدتهـا التفاريـق=تالـي الزمـان اللـي جمعهـا فرقهـا
تفرقـوا مابيـن غـرب(ن) وتشريـق=شمسن ضواها الليـل واقفـى شفقهـا
يالله يــارازق كـــل المخـالـيـق=رب(ن) كفـل كـل العبـاد وخلقـهـا
تامر برجع(ن) يغـرق القـاع تغريـق=والارض تخضـر بـه ويظهـر دبقهـا
عسـى المـزون المرزمـات المدانيـق=يمطـر علـى نجـد المسمـى ودقهـا
يصب من مكـه اليـا ماقـف طويـق=ومـر الخشـوم النايفـات وفهقـهـا
شرق(ن) من الزلفي جنوبن صعافيـق=هاك الفيـاض اللـي جديـدن ورقهـا
دربه علـى وادي الرشـى والمشاقيـق=علـى معالـم نجـد سحبـه دفقـهـا
ويقيل مع الصمان سيـل(ن) تماريـق=اروى العـروق اليابسـات ولحقـهـا
وعلى الكويت يصيب سحب(ن) مصاديق=يركـد مطرهـا والهـوى ماصفقـهـا
دار الصبـاح الطيبـيـن المطالـيـق=عون النفوس اللـي كثيـر(ن) رهقهـا
يلـم شمـل اهـل القلـوب المشافيـق=اللي عـن الاحبـاب ماغـض رمقهـا
حتـى يربـع بالضـلـوع المغالـيـق=اللـي يمانيهـا الـزمـان ودرقـهـا
*****************
-----------------------------
جندت نفسـي لنفسـي عـن معاثرهـا=اخـاف مـن عثـرة تصعـب تواليهـا
لعـل ربـي علـى الاصـلاح يامرهـا=النفس تجهل وأخـاف ابليـس يغويهـا
اخـاف تسـرح مـع الدنيـا تغيرهـا=اهـدي النفـس لـو كثـرة طواريـهـا
اتعب علـى السمعـة العليـا وادورهـا=وليا بغـت مسلـك الـزلات عاصيهـا
ابـي لهـا المرجلـه مانـي بعاذرهـا=لـو المـراجـل تعيـبـات مراقيـهـا
اقص الأمجاد وأمشـي مـع جرايرهـا=اتبع طريقـة رجـال الجـود وامشيهـا
اغلي هل الطيب ماضيهـا وحاضرهـا=احـب عاداتـهـم مـانـي مخليـهـا
واصبر ليا ضقـت ليـن الله اييسرهـا=لو خصني حاجـة للنـاس مـا بديهـا
والهرجـة اللـي تعدانـي مـا فسرهـا=ولا شفق على كشفها مـن دون راعيهـا
واتـرك سبيـل العـرب لله يدبـرهـا=تجينـي السالفـة ماكـنـي أوحيـهـا
أقول مـدري بهـا لـو كنـت خابرهـا=واللـي سألنـي يبيهـا قلـت ناسيـهـا
وش لي وراء الناس يوم اجرح مشاعرها=الفتـنـة الميـتـة مـانـي بمحييـهـا
**********
كريـم يابـرق بعيـد سحـابـه=جعله على هاك المشاريف صباب
جعله على المشقوق يسقي ترابه=ويسقي سحيله والينوفي وعباب
والهضب من سيله تدفق شعابـه=دار يحن القلب يمه ولـو غـاب
دار بها تسمع تعـاوى الذيابـه=فيها النبشتي ما يوقف على الباب
منزال ربع كـل ابوهـم قرابـه=ما بين عم وخال ما فيهم اجناب
قلبي كمـا دلـو تجـدد خرابـه=يقفي ويقبل بين غارف وجـذاب
دلي علـى عـد قليـل شرابـه=لاروى الهليك ولا لقا عنه مجناب
شفي بمشقـوق جديـد خصابـه=فيه البيوت اللي تبنـا بالاطنـاب
اخير من قصـر الا صـك بابـه=اليا لفاه مسير مـن هلـه هـاب
سلم الحضارة خاطري مارضابـه=لكن اطيع الوقت والوقت غصاب
كل على ما قيـل وقتـه مشابـه=وانا بوقتي سرت والكيف ما طاب
قلب ذكر ما ضيه جـدد عذابـه=والراس من كثر التفاكير قد شاب
**********
ملبوس غيرك لو لبسته يعيبك =وهرج بلا معنا يعود سماجه
ان كان حملك ما تشيله مناكبك =اطلب جزيل المد وادعه وناجه
لا ترتجي من واحد ما يوجبك =لو كان من دنياك مستك حاجه
ترا كثير الناس لو كان يعجبك =سحاب صيف مقتفيته عجاجه
ان شاف عندك شي حبك وقربك =وان قل ما بيدك كثير احتجاجه
ان جدت له وده من الخير ينهبك =واليا نصيته صد واخلا مداجه
اليا بدالك لازم فيه جنبك =وقدم عذاره لين يلقا خراجه
خل الردي من رفقته ويش مكسبك =خله بحاله لا تعكر مزاجه
وقت السعه لا غبت مره يعاتبك =والا بوقت اللازمه ما يواجه
انصى الرفيق اللي ليا ضاق حاجبك =لا جيت يمه قام يضحك حجاجه
يفرح من افراحك ويجزع لصايبك =وعلاج ضيمك لا تصعب اعلاجه
**********
ياللي على الماضي توجد من اليـاس=تبكي على الماضي وبالصدر ضيقـه
انس الزمان اللي عليه الدهـر داس=من يرجـع ايـا الشبـاب العتيقـه
وان هب لك من صاف الوقت نسناس=خلك بدرب الجـود رجلـك طليقـه
وان شفت ناقل شيخة مالهـا سـاس=سـراب صبخـا لا يغـرك بريقـه
عزك من الله ماش عز ورا النـاس=مكن ايدينـك مـن عـراه الوثيقـه
وارفع مقام النفس عن درب الادناس=والا تـرا ضلـع الندامـه تويـقـه
ترا دروب الهون ماترفـع الـراس=اسـأل مجـرب يخبـرك بالحقيقـه
واختر لنفسك مع هل الجود مجلاس=وراع الردا والخبث جنـب طريقـه
ترا دروب الهـون مافيـه نومـاس=والطيب حملـه كايـد مـن يطيقـه
ومن طاوع الشيطان يبشر بالافلاس=من طاوع الشيطان يصبـح رفيقـه
ابليس لايغويك فـي كـل وسـواس=ويرميك في موج البحـور العميقـه
***************
البارحه في منامي هاض هوجاسي =من ضيقة في الضمير أخفي مرامسها
تحز في خاطري واخفيت الارماسي =من عام الاول وانا في بالي ادرسها
اتعب على بنيها واجود الساسي =واخاف وادرا الليالي لا تنكسها
واكن في ضامري لاتدري الناسي =واهدي النفس والاسرار حابسها
ابصر بحالي واكيل العلم من راسي =وهدوم غيري من العازات مالبسها
والرجل أجنب بها عن بهض الاجناسي =واسكر الاذن لاتسمع وساوسها
ما كني اوحي خبر لو كان حساسي =بعض السوالف ترا السمعه تدنسها
وان شفت ماعفت ما طول بمجلاسي =وسراقت الهرج ما جلس في مجالسها
تمضي الليالي جديدات ومراسي =محمد كشف غيب الايام ودسايسها
دنيا تبذ الخفا وتلين القاسي =لو ربحة ناس ابه ناس تفلسها
صار الحصيني بها والذيب متواسي =نفسه تهقويه ويحاول ينومسها
وابوحقب في زمانه صار قرناسي =يشره على ذبحة الصيده ويفرسها
****************
طـال الزمـان وشيـب الـراس مـا رتـحـت=تومـيـبـي الأيـــام مــنــا ومــنــا
وأن مسنـي حاجـه بالأسـرار مــا بـحـت=ويــم الوجـيـه الهابـيـه مـــا تـعـنـا
أثـر العـرب مـا تلتفـت فيـك لـو صـحـت=ألا كـريـم (ن) مـــد جـــوده شمـلـنـا
أمسيـت فـي ديـره وفـي ديـره أصبـحـت=وعيا الزمن ما طاع غازي مهنا
******************
أمشي بحكم الوقت والله عوينــي =نوب غني ونوب مخباي خالـــي
ما تصفي الدنيا على كل حينـــــي =ولا حدن من الدنيا سليم وسالي
بالحظ والمقسوم عندي يقينــــــي= الوقت حكمه ما يطيع الرجالـــي
ولو بالتمني ما طلبته يجينــــــــــي =بنيت قصرا على الدرب عاـــلي
وما دام ما تعطي شمالي يمينـي = ما فادني عمي وفزعة خوالـــي
رزقي من الله كاتبه في جبينــي = لو اشتكي للناس ما حدن بكالي
أصبر ولا بد المخفى يبينــــــــي = ما ني ببين للعرب ما جرالـــي
******************
فكرت في دنياي بالعرض والطــــول =وأصبح خطاها ما يساوي نصفهـــــــا
لو طاب لي في عيشها كل ماكــــول = كيف أهتني في تمرها من حشفهــا
تضحك لنا الايام والغيب مجهــــــــول = واتعبت نفسي ما تحقق هدفهـــــــا
نفسي لها هومات وتصول وتجــــول =ولا بد دورات الزمان تعسفهــــــــــــا
لو أشرب الصافي قراح ومزلـــــــول = كم شربة للكبد تنكر عدفهـــــــــــــــا
أسمع وانا قلبي عن الهرج مقفــــول = وفي صدري الأسرار ما احد كشفها
لو تعجبك يمناك والزند مفتــــــــــــول = لا بد ما الايام تثبت ضعفهـــــــــــــــــا
تصفي لك الايام ساعات وتــــــــزول = لو مهلت لك منك تخلي طرفهــــــــــا
كم واحد كنه عن الموت مكفـــــــــول = واقفا وباقي عملته ما صرفهـــــــــــا
وش عاد لو عمرك يكمل مية حــــــول = من شاف تالية النهاية عرفهـــــــــــا
أعرض عن الزلات وابعد عن القــــول = وخالف هوا نفسك ونزه شرفهـــــــا
وترا الطريق اللي عن العدل معزول = أما يهين النفس ولا حرفهــــــــــــــــا
*******************
القلب له غفلات في بعض الاوقات =واليا انتبه نطيت روس الشواهيق
يجيه هاجوس الضحى عشر مرات =من كثر ما يبدي على الرجم ويويق
عليك ياساكن ديار بعيدات =اللي عطاني عهد منه ومواثيق
ودي بقربه والليالي معيات =يا ما عصن قبلي رجال مطاليق
اخذت لي في ماضي العمر سجات =سجات عني تبعد الهم والضيق
واليوم طاروق الهواء بيننا مات =باقي هوانا نتركه للعشاشيق
عايش على ذكرى الزمان الذي فات =وضاق الضمير اللي سدوده مغاليق
*****************
قـال الـذي مالفـق الهـرج تلفـيـق=ماكـل كلمـه تعتـرض لـه لفقـهـا
يختار مـن جـزل المعانـي مواثيـق=هيـض يجـول بضامـره ماسرقـهـا
يشرح بها مكنون صدره عـن الضيـق=لاشـاف عـدلات القوافـي عشقـهـا
يمشي علـى درب الرجـال المطاليـق=اللـي تنومـس مـن يسيـر برفقهـا
عقلـه ثقيـل ولا يحـب المطافـيـق=وبعض السوالـف يستحـي مانطقهـا
ابـا تلـزى ميـر عيـيـت لا لـيـق=نفسـي تنادمنـي وتظهـر حمقـهـا
انـا ليامـنـي بـديـت الطـواريـق=ارفـع معانـي وزنهـا عـن غرقهـا
خلوني ابـدي عالـي الرجـم واويـق=رجلـي يجاريهـا الخـلا فـي طرقهـا
الله مـن هـم(ن) يـتـل المعالـيـق=تـل الفـراز الوافيـه مـع شنقـهـا
اقولهـا مالـي مـن النـاس عشيـق=وقت(ن) شغل فكري وحال(ن) طرقهـا
ابـا اتصبـر ميـر للصبـر ماطـيـق=الحـال حالبـه الـفـراق اوسقـهـا
بـلاي مـن نـاس حدتهـا التفاريـق=تالـي الزمـان اللـي جمعهـا فرقهـا
تفرقـوا مابيـن غـرب(ن) وتشريـق=شمسن ضواها الليـل واقفـى شفقهـا
يالله يــارازق كـــل المخـالـيـق=رب(ن) كفـل كـل العبـاد وخلقـهـا
تامر برجع(ن) يغـرق القـاع تغريـق=والارض تخضـر بـه ويظهـر دبقهـا
عسـى المـزون المرزمـات المدانيـق=يمطـر علـى نجـد المسمـى ودقهـا
يصب من مكـه اليـا ماقـف طويـق=ومـر الخشـوم النايفـات وفهقـهـا
شرق(ن) من الزلفي جنوبن صعافيـق=هاك الفيـاض اللـي جديـدن ورقهـا
دربه علـى وادي الرشـى والمشاقيـق=علـى معالـم نجـد سحبـه دفقـهـا
ويقيل مع الصمان سيـل(ن) تماريـق=اروى العـروق اليابسـات ولحقـهـا
وعلى الكويت يصيب سحب(ن) مصاديق=يركـد مطرهـا والهـوى ماصفقـهـا
دار الصبـاح الطيبـيـن المطالـيـق=عون النفوس اللـي كثيـر(ن) رهقهـا
يلـم شمـل اهـل القلـوب المشافيـق=اللي عـن الاحبـاب ماغـض رمقهـا
حتـى يربـع بالضـلـوع المغالـيـق=اللـي يمانيهـا الـزمـان ودرقـهـا
*****************